Займальная паездка ў горад Гомель

26 сакавіка навучэнцы 8 "Б" класа сярэдняй школы №8 г.Светлагорска здзейснілі займальную паездку ў горад Гомель з наведваннем Гомельскага абласнога музея ваеннай славы. Дзеці пабывалі ў музеі ў дзень нараджэння вялікага ўраджэнца горада, генерала, Героя Савецкага Саюза Аляксандра Ільіча Лізюкова, які загінуў у 1942 годзе. Трое братоў Лізюковых загінулі ў той вайне, абараняючы сваю зямлю і нашу шчаслівую будучыню.
Гераічнасць, мужнасць і бясстрашнасць нашых землякоў натхняюць школьнікаў і служаць прыкладам выканання воінскага і грамадзянскага абавязку.
Экскурсія па музеі яшчэ раз нагадала аб гадах вайны, аб тым, як важна берагчы памяць аб ёй, шанаваць подзвіг нашага народа, быць патрыётам сваёй Радзімы.