Міжнародны дзень музеяў.

1️⃣8️⃣ траўня традыцыйна адзначаецца Міжнародны дзень музеяў.
Гэтае свята заклікана прыцягнуць увагу грамадскасці да важнасці захавання культурнай спадчыны народаў свету і павышэння цікавасці да музейнай справы сярод насельніцтва ўсіх узростаў.
Не застаўся ў баку ад гэтай даты і музей "Спадчына" ДУА "Сярэдняя школа №8 г.Светлагорска". Тут была арганізавана экскурсія для вучняў гімназіі г. Светлагорска.
Дзеці пазнаёміліся з унікальнымі экспанатамі музея. Адмысловая ўвага была нададзена традыцыйным рамёствам, дзякуючы якім захоўваюцца самабытнасць і культура народа.
Мерапрыемства прайшло ў сяброўскай атмасферы і пакінула яркія ўражанні ў школьнікаў.
Экскурсія стала яскравым прыкладам важнасці музеяў у захаванні гістарычнай памяці і выхаванні патрыятызму маладога пакалення.