Тыдзень кібербяспекі праходзіць у Гомельскай вобласці з 15 па 21 верасня

➡️Лічбавая трансфармацыя злачыннасці стала адной з найбольш надзённых праблем. Сярод асноўных перадумоў - нізкая лічбавая пісьменнасць насельніцтва і імклівае развіццё электронных паслуг і сэрвісаў. Ад таго, наколькі ўдасца супрацьстаяць гэтаму выкліку, залежыць не толькі абароненасць правоў і інтарэсаў грамадзян, але і інфармацыйная бяспека грамадства і дзяржавы ў цэлым.

‼️Важна, каб грамадзяне самі праяўлялі пільнасць і сачылі за сваёй лічбавай бяспекай.
Тыдзень кібербяспекі накіраваны на павышэнне лічбавай пісьменнасці насельніцтва. У планах - маштабная праца па недапушчэнні кіберзлачынстваў. Праваахоўнікі правядуць сустрэчы ў калектывах, таксама будзе разгорнута шырокая інфармацыйная кампанія, уключаючы размяшчэнне прафілактычных улётак, аб'яву звестак па гучнай сувязі ў грамадскім транспарце.

❌Каб не стаць ахвярай ашуканцаў у інтэрнэце, не варта пераходзіць па падазроных спасылках, у тым ліку ў лістах з электроннай пошты. Не варта пакідаць рэквізіты банкаўскіх карт на сайтах, якія не выклікаюць даверу. Нельга фатаграфаваць і перасылаць фота банкаўскіх карт і пашпарты праз сацсеткі і месэнджары, нават блізкім людзям.