Тыдзень беларускай мовы

У ДУА «Сярэдняя школа №8 г.Светлагорска» з 1️⃣8️⃣ па 2️⃣3️⃣ лістапада традыцыйна прайшоў Тыдзень беларускай  мовы, акцэнт быў зроблены на значэнні беларускай мовы ў жыцці кожнага грамадзяніна.
Падчас Тыдня былі арганізаваны выставы, прысвечаныя пісьменнікам — юбілярам Міхасю Лынькову, Васілю Быкаву, Івану Чыгрынаву.
У межах Тыдня  арганізавана выстава “Маё любімае слова на роднай мове”, дзе ўдзельнікі змаглі прадставіць свае творы, а таксама падзяліліся любімымі словамі на беларускай мове.
Сярод вучняў 6 класаў была праведзена 📝 віктарына “Не маўчы па-беларуску”. Гэта цікавы і проста захапляльны спосаб праверыць свае веды пра беларускую мову і культуру, а таксама падтрымаць дух канкурэнцыі!
Акрамя гэтага, асобая ўвага была нададзена выставе народнага касцюма, якая была наладжана ў школьным этнаграфічным музеі «Спадчына».
Тыдзень беларускай 🇧🇾 мовы — гэта цудоўная магчымасць для кожнага з нас паглыбіцца ў багацце роднай мовы, дзяліцца ведамі і натхняцца творчасцю нашых класікаў.